«Վարդան Ղուկասյանի շաքարն է բարձրացել, սրտի շրջանում ցավեր ունի». Պաշտպանը մանրամասներ հայտնեց
- Ani
- 2 hours ago
- 1 min read
Գյումրու քաղաքապետ Վարդան Ղուկասյանը հոսպիտալացվել է: «Սուրբ Գրիգոր Լուսավորիչ» բժշկական կենտրոնում նա այս պահին անցնում է կորոնարոգրաֆիա (կորոնարոգրաֆիան կատարվում է՝ տեսնելու, թե սիրտը սնուցող անոթներում կա՞ արդյոք արյան հոսքը խոչընդոտող կամ անոթը խցանող որևէ խնդիր)։ Տեղեկությունը հայտնեց Ղուկասյանի պաշտպան Զարուհի Փոստանջյանը:
«Վարդան Ղուկասյանն ունի շաքարային դիաբետ, այսօր կեսօրին բարձրացել է շաքարը, հասել մինչև 19: Այդ ընթացքում սրտի շրջանում ցավեր են առաջացել, ասում է՝ ոնց որ սիրտս բերանիցս դուրս գար: Քրեակատարողական հիմնարկի բժիշկը ստուգել է , առիթմիայի երևույթ է գրանցել, իր նախաձեռնությամբ՝ շտապօգնություն են հրավիրել, տեղափոխել բժշկական կենտրոն»,- ասաց Փոստանջյանը:
