«Մայիսին սկսել ենք, մայիսին էլ կավարտենք». Բագրատ Սրբազանը՝ Նիկոլ Փաշինյանին հեռացնելու մասին

Բագրատ արքեպիսկոպոս Գալստանյանը կարծում է՝ Աստծու կամոք Արցախն ազատագրվելու է։

Լրագրողի հարցին՝ ինչպե՞ս՝ Սրբազանն արձագանքեց. «Պետությունը պետք է ունենա նպատակ ու օրակարգ, երբ կսահմանվեն դրանք, ամեն ինչ էլ հնարավոր է»։

Նրա խոսքով՝ աշխարհն անհնարինի մասին չէ, այլ՝ հնարավորի։

Հարցին, թե ինչո՞ւ չեն կարողանում Նիկոլ Փաշինյանին հեռացնել՝ Բագրատ Սրբազանն ասաց՝ «իսկ ո՞վ ասաց, որ չենք կարողանում»։

«Մայիսին սկսել ենք, մայիսին էլ կավարտենք»,- հավելեց նա։