Չենք հուսահատվում. հունիսի 12-ին ձեռքի լուրջ վիրավորում ստացած Եսայիին կրկին կվիրահատեն
- Armen Sukiasyan
- Jun 22, 2024
- 1 min read
Հունիսի 12-ին Բաղրամյան-Դեմիրճյան խաչմերուկում «Տավուշը հանուն հայրենիքի» շարժման ժամանակ ոստիկանության կողմից կիրառված հատուկ միջոցների հետևանքով դաստակի լուրջ վնասվածք ստացած Եսայի Քարամյանի կինը ֆեյսբուքյան իր էջում հայտնում է, որ առաջիկա օրերին ամուսնուն կրկին կվիրահատեն:
«Առաջ ենք գնում։
Առաջիկա օրերին ձեռքի երկրորդ վիրահատությունը կարվի։
Ընդհանուր անզգայացմամբ վիրահատություն է լինելու, բայց, բարեբախտաբար, կյանքին սպառնացող վտանգ չկա։ Բժիշկները իրենց գործը լավ են անում։
Իհարկե, աջ ձեռքի ֆունկցիոնալությունը ետ չենք բերի, բայց չենք հուսահատվում։
Շնորհակալ ենք բոլորին, ովքեր հետքրքրվեցին այս ընթացքում, առողջություն մաղթեցին, մեր կողքին եղան:Շնորհակալ ենք լրագրողներին, ովքեր լուսաբանում են ու ճշմարտությունը տարածում։
Մի օր (հուսով եմ ոչ հեռու ապագայում) մեր երկրում էլ նորմալ ոստիկան կլինի, այլ ոչ թե զինված հանցախումբ, որ պատրաստ է երկու կոպեկի համար ամեն հրաման կատարել։
Դե իսկ հրաման տվողներն էլ իրենց արժանի պատիժը կստանան վաղ թե ուշ։ Չեն մարսելու»։
