Աթենքի արվարձաններում խոշոր անտառային հրդեհ է բռնկվել

Տասնյակ հունական հրշեջներ և ինքնաթիռներ փորձում են զսպել Աթենքի արվարձաններում բռնկված զանգվածային հրդեհը, որը իշխանություններին ստիպել է մոտակա երկու համայնքների տարհանում կազմակերպել, հայտնել է Reuters-ը:

Հրշեջ ծառայության խոսնակ Վասիլիս Վատրակոյանիսը հայտնել է, որ փոթորկի ուժգնության քամու պատճառով կրակի բոցը շատ արագ տարածվել է։

Հունական լրատվամիջոցները հաղորդում են, որ վնասվել է մի քանի ձեռնարկություն և երկու առանձնատուն։

Հրշեջ ծառայությունից հայտնել են, որ կրակը մարելու ուղղությամբ աշխատում են ավելի քան 70 հրշեջներ՝ 13 հրշեջ օդանավերի և ուղղաթիռների աջակցությամբ:

Հրդեհի պատճառը դեռևս հայտնի չէ։