Կարող են գիշերը զանգել և ասել, որ հիվանդին սուրբ հաղորդություն պիտի տրվի, այդ դեպքում ես ի՞նչ պիտի անեմ․ Տեր Սարգիսը՝ Ստեփան Ասատրյանի կողմից եկեղեցու դռների փականները փոխելու մասին
- Ani
- 3 hours ago
- 1 min read
Նախատեսված ժամին առավոտյան գալիս, բացում են եկեղեցու դռները, երեկոյան՝ փակում։ Խնդիրն այն է, որ, օրինակ, ինձ կարող են գիշերը զանգել և ասել, որ հիվանդին սուրբ հաղորդություն պիտի տրվի, այդ դեպքում ես ինչպե՞ս պիտի անեմ։ Կամ օրինակ ասեն՝ հիվանդ կա, ում պետք է մկրտել, և եկեղեցուց պետք է վերցնել մյուռոնը, ինչպե՞ս կարող եմ դա անել։ Այս մասին Հովհաննավանքում լրագրողների հետ զրույցում ասաց Տեր Սարգիսը՝ խոսելով այն մասին, որ կարգալույծ հռչակված Ստեփան Ասատրյանը փոխել է եկեղեցու դռներi փականները։
«Ափսոս, որ չեմ տեսանկարահանել այն պահը, երբ հանել են եկեղեցու դռան փականի միջուկը և փոխել այն»,–ասաց նա՝ ի պատասխան Ստեփան Ասատրյանի հերքումների։
Նշենք, որ փաստաբան Արա Զոհրաբյանը կարգալույծ քահանայի կողմից եկեղեցու դռան փականները փոխելու դեպքի վերաբերյալ հանցագործության մասին հաղորդում է ներկայացրել։
