Վլադիմիր Գասպարյանի գործով դատական նիստը հետաձգվեց. Նաառողջական վիճակի պատճառով չի կարողացել ներկայանալ դատարան

ՀՀ նախկին ոստիկանապետ Վլադիմիր Գասպարյանի գործով դատական նիստն այսօր՝ հունվարի 14–ին, հետաձգվել է. նրա առողջական վիճակը վատ է, չի կարողացել ներկայանալ դատարան: Այս մասին հայտնում են Հակակոռուպցիոն դատարանից:

Հիշեցնենք, որ 2024–ի ամռանը Երևանի ընդհանուր իրավասության դատարանում հրապարակվել է նախկին ոստիկանապետ Վլադիմիր Գասպարյանի, Լևոն Երանոսյանի և մյուս 2 ենթակաների գործով դատավճիռը:

Ըստ այդմ՝ Վլադիմիր Գասպարյանը մեղավոր է ճանաչվել պաշտոնեական լիազորությունների չարաշահման, նաև այլ հոդվածներով, նրա նկատմամբ պատիժ է նշանակվել 6 տարվա ազատազրկումը, սակայն համաներմամբ ազատվել է պատժի կրումից: Դատախազությունը բողոքարկել է դատավճիռը։