Ադրբեջանի և Թուրքիայի ԱԳ նախարարները քննարկել են Գազայում խաղաղության հաստատման համաձայնագիրը
Oct 11, 2025
1 min read
Այսօր՝ հոկտեմբերի 11-ին, հեռախոսազրույց է տեղի ունեցել Ադրբեջանի Հանրապետության արտաքին գործերի նախարար Ջեյհուն Բայրամովի և Թուրքիայի Հանրապետության արտաքին գործերի նախարար Հաքան Ֆիդանի միջև, հաղորդում է Ադրբեջանի արտաքին գործերի նախարարությունը։
Հեռախոսազրույցի ընթացքում քննարկվել են Մերձավոր Արևելքում ստեղծված իրավիճակը և Գազայի համաձայնագրից բխող հարցերը։
«Բարձր են գնահատվել այս կարևոր համաձայնագրի հարցում Թուրքիայի հաջող միջնորդական ջանքերը։
Նախարարները նաև մտքեր են փոխանակել երկկողմ և տարածաշրջանային համագործակցության փոխադարձ հետաքրքրություն ներկայացնող հարցերի շուրջ», - ասվում է հաղորդագրության մեջ։
