Թող Հայոց Ցեղասպանության Սուրբ Նահատակների բարեխոսությամբ ամրապնդվի միասնության ոգին աշխարհասփյուռ հայության մեջ. Հայր Զաքարիա
- 1 hour ago
- 1 min read
Տեր Զաքարիա ծայրագույն վարդապետ Բաղումյանը նշում է, թե ինչ կարևորություն ուներ Հայոց Ցեղասպանության նահատակների սրբադասումը.
«2015 թ. ապրիլի 23-ին ազգային-եկեղեցական մեր կյանքում կարևոր դեպք տեղի ունեցավ. Հայոց Եկեղեցին սրբադասեց Հայոց Ցեղասպանության նահատակներին՝ այդպիսով վերականգնելով սրբադասման կարգը:
Ժամանակակից լինելով այս իրադարձությանը՝ գուցե ցայսօր այնքան էլ խորությամբ չենք զգում դրա հոգևոր նշանակությունը կամ դեռ ամբողջությամբ չենք հասկացել կատարվածի իմաստը, բայց այն մեր ժողովրդի մեկդարյա սպասումների և երազանքների իրականացումն էր:
Թող Հայոց Ցեղասպանության Ս. Նահատակների բարեխոսությամբ շենանա մեր Հայրենիքը և ամրապնդվի սիրո, համերաշխության և միասնության ոգին աշխարհասփյուռ հայության մեջ»:
