Ավետիք Չալաբյանին կալանավորեցին
- 1 hour ago
- 1 min read
Դատարանը հրապարակեց «ՀայաՔվե» միավորման համակարգող, հասարակական-քաղաքական գործիչ Ավետիք Չալաբյանի նկատմամբ կալանքը որպես խափանման միջոց կիրառելու միջնորդության քննությունից հետո կայացրած որոշումը։
Չալաբյանի նկատմամբ սահմանվեց կալանք՝ 2 ամիս ժամկետով։ Կալանքի վայրը «Արմավիր» ՔԿՀ-ն է, տեսակցություններն արգելված են, ընդդիմադիր գործչին կարող են այցելել միայն պաշտպանները։
Հիշեցնենք՝ Ավետիք Չալաբյանին մեղադրանք է առաջադրվել իբրև ընտրողների ընտրական իրավունքին խոչընդոտելու նախապատրաստության համար («մի խումբ անձանց կողմից նախնական համաձայնությամբ և իշխանական լիազորությունների օգտագործմամբ»)։
Ավետիք Չալաբյանն իրեն առաջադրված մեղադրանքը չի ընդունում։
Պաշտպանական կողմը բողոքարկելու է դատարանի որոշումը։
