Փիթբուլի համերգը պատմություն է կերտել՝ շնորհիվ 22,000 ճաղատ երկրպագուների
- 2 days ago
- 1 min read
Փիթբուլի երկրպագուներն իրենց կուռքի հանդեպ սերը հասցրել են նոր մակարդակի. Լոնդոնում կայացած համերգի ժամանակ ավելի քան 22,000 մարդ միաժամանակ ընդօրինակել է արտիստի բնորոշ տեսքը՝ ստանալով Գինեսի համաշխարհային ռեկորդի պաշտոնական գրանցում։
Ռեկորդը պաշտոնապես հաստատվել է Գինեսի համաշխարհային ռեկորդների կողմից. 22,141 մարդ միաժամանակ կրել է «ճաղատ» գլխարկներ՝ ընդօրինակելով ռեփերի պաշտամունքային տեսքը՝ արևային ակնոցներով և դասական կոստյումով։
Գաղափարը Փիթբուլինն էր։ Արտիստը նախկինում առաջարկել էր երկրպագուների ավանդույթը վերածել պաշտոնական համաշխարհային ռեկորդի։ Վերջին տարիներին երկրպագուները սկսել են բազմությամբ մասնակցել նրա համերգներին՝ հագնված երաժշտի նման, և շարժումը նույնիսկ ստացել է իր սեփական անվանումը՝ Bald E:
Երեկոյի նվաճումները, սակայն, դրանով չեն ավարտվել։ Փիթբուլի ելույթը գրավել է 69,999 հանդիսատեսի՝ դառնալով BST Hyde Park-ի պատմության մեջ ամենամեծ թվով հանդիսատես ունեցող համերգը։
Շոուի ընթացքում արտիստը կատարել է իր ամենահայտնի հիթերը, այդ թվում՝ «Don't Stop the Party», «Hotel Room Service», «International Love», «Time of Our Lives» և «Give Me Everything»: Նրան միացել են նաև հատուկ հյուրեր Լիլ Ջոնը և Քեշան, որոնց հետ ռեփերը կատարել է իր ամենահայտնի երգերից մեկը՝ «Timber»-ը:
Փիթբուլի «I'm Back» շրջագայությունն արդեն վաճառել է ավելի քան 2 միլիոն տոմս 27 երկրներում՝ դառնալով նրա կարիերայի ամենամեծ անհատական շրջագայությունը:
