Վերաբացվել է դեպի «Ամբերդ» տանող ճանապարհը․ հնավայրը կրկին ընդունում է այցելուների

Երկարատև դադարից հետո դեպի «Ամբերդ» պատմամշակութային հնավայր տանող ճանապարհն արդեն անցանելի է, հայտնում են Զբոսաշրջության կոմիտեից։

Հունիսի 2-ից հնավայրը կրկին պատրաստ է ընդունել այցելուներին հետևյալ գրաֆիկով՝

• երեքշաբթի–կիրակի՝ 10։00–20։00-ն,

• երկուշաբթի՝ 10։00–19։00-ն:

Հայաստանի միջնադարյան ճարտարապետության բացառիկ նմուշներից մեկը՝ Ամբերդը, շարունակում է մնալ երկրի ամենապահանջված զբոսաշրջային ուղղություններից՝ ամեն տարի հյուրընկալելով միջինը 25-30 հազար այցելուի։