Ֆրանսիայի խորհրդարանի ստորին պալատը հաստատել է մինչեւ 15 տարեկան երեխաների կողմից սոցցանցերն օգտագործելու արգելքը
- Ani
- 1 hour ago
- 1 min read
Ֆրանսիայի խորհրդարանի ստորին պալատի պատգամավորներն աջակցել են 15 տարեկանից ցածր երեխաներին սոցցանցերից օգտվելն արգելող օրինագծին, հայտնել է BFM TV-ն։ Օրինագծերի այս փաթեթի մեկ այլ մասով կարգելվի բջջային հեռախոսների օգտագործումը դպրոցներում։
Հաջորդ փուլում օրինագծերը պետք է դիտարկվեն Ֆրանսիայի Սենատի կողմից։
Ֆրանսիայի նախագահ Էմանուել Մակրոնն աջակցել է 15 տարեկանից ցածր երեխաների կողմից սոցցանցերի օգտագործման արգելքին։
Որովհետեւ մեր երեխաների ուղեղը չի վաճառվում։ Ո՛չ ամերիկյան հարթակներին, ո՛չ չինական ցանցերին։ Քանի որ նրանց երազանքները չեն կարող թելադրվել ալգորիթմներով։
«Մինչեւ սեպտեմբերի 1-ը մեր երեխաներն ու դեռահասները վերջապես պաշտպանված կլինեն: Ես կհոգամ դրա մասին»,- գրել է Մակրոնը X սոցիալական ցանցում։
Համապատասխան օրենքն ընդունելուց եւ ուժի մեջ մտնելուց հետո Ֆրանսիան կդառնա աշխարհում երկրորդ երկիրը, որտեղ մինչեւ 15 տարեկան երեխաներին արգելվելու է օգտվել սոցցանցերից։ Ավստրալիան աշխարհում առաջինն է, որ նման արգելք է մտցրել։
