Քրիս Ջենները հիշել է Ռոբերտ Քարդաշյանի Սուրբ Ծննդյան հուզիչ նվերը

Սուրբ Ծնունդը միշտ էլ հատուկ ժամանակ է եղել Քարդաշյան-Ջեններներ ընտանիքի համար, և Քրիս Ջենները «Քլոեն Հրաշքների աշխարհում» փոդքասթի ժամանակ ներկայացրել է իր ընտանեկան կյանքի հուզիչ պատմություն։

70-ամյա Քրիսը միացել է իր դստերը՝ Քլոե Քարդաշյանին, Սուրբ Ծննդյան մի դրվագում և խոսել իր համար ամենասիրելի հիշողությունները պահպանող նվերի՝ իր հանգուցյալ ամուսնու և Քլոեի հոր՝ Ռոբերտ Քարդաշյան ավագի անակնկալի մասին։

«Քո հայրը միշտ էլ ուզում էր, որ դու իսկապես ինչ–որ բան ցանկանաս։ Նա սիրում էր զարմացնել և ուրախացնել», - պատմել է Ջենները։ «Մի անգամ, երբ ես իսկապես մեքենա էի ուզում, մենք Մայրերի օրվա նախորդ գիշերը ընթրիքի էինք գնում, ուշացանք, և հանկարծ մենք վազեցինք ավտոտնակ, և այնտեղ նոր մեքենա էր՝ հսկայական ժապավենով։ Նա տաղանդ ուներ ընտրելու այն պահը, երբ ոչ ոք չէր սպասում դրան»։

Ընտանիքի և շքեղ ապրելակերպի աճին զուգընթաց նրա «նվերների խնդրանքները» ավելի ու ավելի բարդացան։ «Ես մի փոքր ավելի փչացած դարձա։ Հիշում եմ, թե ինչպես էի երազում գեղեցիկ Piaget ժամացույցի մասին և երկար խոսում դրա մասին», - ծիծաղելով հիշում էր Քրիսը։ Նա խոստովանել է, որ ամեն ինչ արել է, որպեսզի Ռոբերտը նկատի իր ցանկությունը՝ ժամացույցի նկարները կպցրել է սառնարանին, պահարանի դռանը և նույնիսկ զուգարանակոնքի տակ։

Եվ այդ տարի Սուրբ Ծնունդը եկավ։ Քրիսը ստացավ մի հսկայական տուփ և, սպասելով զարդերի կամ շքեղ աքսեսուարի, մի փոքր հիասթափվեց. պարզվեց, որ դա Բարբի էր։ «Ես այնքան փչացած աղջիկ էի, որ մտածում էի՝ «Սա՞ է իմ Սուրբ Ծննդյան նվերը», - ծիծաղել է նա։

Բայց անակնկալը ուշադիր պլանավորված էր. տիկնիկը բացելիս Ջենները հայտնաբերել է Piaget ժամացույցը կոկիկորեն դրված Բարբիի իրանի մեջ։ «Նա այն փաթաթել էր թղթի մեջ։ Դա այնքան հաճելի էր։ Ես հիացմունքի մեջ էի»։