Լորեն Սանչես Բեզոսը ծննդյան օրը նշել է Քարդաշյանների հետ՝ շքեղ Սուրբ Ծննդյան երեկույթի ժամանակ

Լորեն Սանչես Բեզոսը իր ծննդյան օրը նշել է ոճային կերպով՝ Քարդաշյան-Ջեններ ընտանիքի անդամների հետ կազմակերպված մասնավոր Սուրբ Ծննդյան երեկույթի ժամանակ։ Միջոցառումը տեղի է ունեցել շքեղ միջավայրում և ներգրավել է հայտնի հյուրերի ցուցակ։

Լորենն ամուսնացել է Amazon-ի հիմնադիր Ջեֆ Բեզոսի հետ այս տարվա հունիսին, և սա նրա առաջին ծննդյան արարողությունն էր՝ որպես միլիարդատիրոջ կին։ Սանչեսը դարձավ 56 տարեկա: Նա  հայտնվել է շքեղ երեկույթին Քրիս Ջենների և Քլոե Քարդաշյանի հետ։

Միջոցառման համար հոբելյարն ընտրել էր պարզ, բայց աչքի ընկնող ամբողջովին սև կերպար՝ բաց վերնաշապիկ, մինի կիսաշրջազգեստ, թափանցիկ զուգագուլպաներ և մինչև ազդր բարձրացող կոշիկներ։ Կերպարը լրացնում էր աչքի ընկնող ընձառյուծի գույնի բաճկոնը։

Երեկույթի հյուրերը ակտիվորեն լուսանկարներ են տարածել սոցիալական ցանցերում։ Քրիս Ջենները և Քլոե Քարդաշյանը նաև մորթե շեշտադրումներ են ընտրել իրենց հանդերձանքում։ Լուսանկարներում եռյակը կեցվածք է ընդունել առանձնատան մուտքի մոտ, որը զարդարված է եղել զարդանախշերով, լույսերով և մեծ կարմիր ժապավենով։

«Լորենի կողմից կազմակերպված կատարյալ երեկո։ Դու լավագույնն ես։ Շնորհավոր տոնդ և Սուրբ Ծնունդը»,- գրել է Քլոեն Ինստագրամում։

Երեկոյի համար Քլոեն ընտրել էր մորթե զարդանախշերով MIMCHIK զգեստ, մեծ մորթե վերարկու, թափանցիկ գուլպաներ և բարձրակրունկ կոշիկներ: Այլ լուսանկարներում նա կեցվածք է ընդունել կարմիր Mercedes-ի կողքին՝ շրջապատված արհեստական ​​ձյունով և Սուրբ Ծննդյան լույսերով։

Քրիս Ջենները նույնպես հրապարակել է տոնակատարությունից լուսանկարներ՝ դրանք մակագրելով. «Սիրում եմ Սուրբ Ծնունդն անցկացնել այս երկուսի հետ»: Երեկոյի համար նա ընտրել էր Valentino-ի սև զգեստ՝ սպիտակ օձիքով, և մեծ ձմեռային վերարկու՝ մորթե զարդանախշերով: Քիմ Քարդաշյանը, որը լուսանկարներում ներկա չէր մոր և քրոջ հետ, շնորհավորել է Լորենին համատեղ արխիվային լուսանկարով: «Շնորհավոր ծնունդդ լավագույն «աղջիկ աղջիկ» Լորեն Սանչես Բեզոս: Դու միշտ բարձրացնում ես շրջապատի մարդկանց: Ես երբեք չեմ հանդիպել նման էներգիայով և կյանքի հանդեպ եռանդով մեկին: Ես սիրում եմ քեզ», - գրել է Քիմը:

Շքեղ երեկույթին հաջորդել է Սանչեսի՝ սոցիալական ցանցերում հրապարակած հուզիչ տեսանյութը: Այնտեղ նա կիսվել է իր հարսանիքի կադրերով, այդ թվում՝ Dolce & Gabbana զգեստի փորձից, Էյֆելյան աշտարակի տեսարանով պատշգամբով զբոսանքից և տոնակատարության նախապատրաստական ​​​​պահերից։

«Եթե ​​ինչ-որ մեկը մանկուց ինձ ասեր, որ 56 տարեկանում իմ կյանքն այսպիսին կլինի, ես հավանաբար չէի հավատա դրան», - խոստովանել է Սանչեսը։ Նա նշել է, որ ամուսնությունը, երեխաները, գրքի հրատարակումը և տիեզերական նախագծերին մասնակցելը օգնել են իրեն զգալ ներքին աջակցություն և ներդաշնակություն։