Մարտին նորմայից ավել տեղումները դրական են անդրադարձել Սևանա լճի մակարդակի բարձրացման վրա

Մարտ ամսվա ամսական նորմայից ավել տեղումները դրական անդրադարձ են թողել Սևանա լճի մակարդակի բարձրացման վրա։

Այս մասին հայտնում են ՀՀ Շրջակա միջավայրի նախարարությունից։ 

Նշվում է, որ համաձայն «Հիդրոօդերևութաբանության և մոնիթորինգի կենտրոն» ՊՈԱԿ-ի տվյալների Սևանա լճի ավազանի 4 օդերևութաբանական կայաններում 1 օրում (մարտի 19-20 ընկած ժամանակահատված) դիտվել են մարտ ամսվա ամսական նորմայից ավել տեղումներ, ինչը իր դրական անդրադարձն է թողել Սևանա լճի մակարդակի բարձրացման վրա: