Միքայել Սրբազանը դարձյալ վիրահատվել է
- Ani
- 11 hours ago
- 1 min read
Շիրակի թեմի առաջնորդ Միքայել Սրբազան Աջապահյանն այսօր առավոտյան դարձյալ վիրահատվել է։ Այս մասին հայտնել են «Իզմիրլյան» ԲԿ–ից։
«Երկրորդ վիրահատությունը այլ հիվանդության հետ է կապված, շատ լավ է անցել, նրա վիճակը լավ է, կամքը ամուր։ Դեռ 2 շաբաթ կտեւի հետվիրահատական ապաքինան շրջանը»,– NEWS.am–ի հետ զրույցում հայտնեց Չարչյանը։
Ավելի վաղ հայտնել էինք, որ Սրբազանը գտնվում է հետվիրահատական փուլում, լրացուցիչ հետազոտություններ է անցնում՝ երկրորդ վիրահատություն ունենալու համար։
Հիշեցնենք՝ Սրբազանն այս պահին գտնվում է «Իզմիրլյան» բժշկական կենտրոնում, չնայած նրան, որ դատարանի որոշմամբ խափանման միջոց կալանքը փոխարինվել էր տնային կալանքով՝ համակցված բացակայելու արգելքով։
