«Աշխարհի ամենագեղեցիկ աղջիկը» ամուսնացել է Փարիզում

25-ամյա ֆրանսիացի մոդել Թիլան Բլոնդոն, որը միջազգային ճանաչում է ձեռք բերել 2006 թվականին, երբ Vogue Enfants ամսագիրը նրան անվանել էր «աշխարհի ամենագեղեցիկ աղջիկ», հունիսի 29-ին Փարիզում ամուսնացել է Բեն Աթթալի հետ:

Բլոնդոն իր Instagram Stories-ում ներկայացրել է մեծ օրվա մի շարք կարևոր պահերը, այդ թվում՝ հարսանեկան արարողության լուսանկարներ, որը տեղի է ունեցել Փարիզի 16-րդ շրջանի քաղաքապետարանում:

Արարողությունից առաջ նա իր հետևորդներին ցույց է տվել նախապատրաստական գործընթացը՝ պատրաստվելը, մազերը հարդարելը և դիմահարդարումը: Մի սելֆիում երևում է, թե ինչպես է հարսնացուն դիմահարդարում անում Անդրեա Ալին: Մեկ այլ սելֆիում վարսահարդար Ֆաբիո Պետրին վերջնական շտրիխներն է դնում նրա նրբագեղ կապոցի վրա, որը զարդարված է նուրբ սպիտակ ծաղիկներով:

Բլոնդոն նաև հրապարակել է հատուկ չորսոտանի հարսանեկան հյուրի՝ իր շան լուսանկարը, որը հմայիչ կերպով հագնված էր սև ու սպիտակ սմոկինգով՝ առիթի համար: Մոդելը նաև ցուցադրել է իր մինչև հատակը հասնող հարսանեկան զգեստը՝ Եվա Բուսկիլայից, որը լրացված էր նրբագեղ կարճ թիկնոցով՝ մեջքի կոճակներով։

Զույգի հարսանիքը տեղի է ունեցել ընդամենը երեք ամիս անց այն բանից հետո, երբ Բլոնդոն մարտի 8-ին Ինստագրամում հայտարարել է իրենց նշանադրության մասին։ Երջանիկ պահի լուսանկարների շարքի տակ նա գրել էր. «Ես «այո» ասացի իմ լավագույն ընկերոջը։ Հանուն մեր «հավերժ»–ի»։

Լուսանկարներում զույգը գրկախառնվում էր և նշում իրենց նշանադրությունը, որը տեղի է ունեցել Հունաստան կատարած իրենց ուղևորության ժամանակ։ Բլոնդոն նաև ցուցադրել է իր ադամանդե մատանին խոշոր պլանով։

Բլոնոուն իր մոդելային կարիերան սկսել է չորս տարեկանում՝ աշխատելով աշխարհի խոշորագույն ապրանքանիշերից մի քանիսի հետ, այդ թվում՝ Jean Paul Gaultier-ի, Dolce & Gabbana-ի և Hugo Boss-ի։ Նա շարունակում է ակտիվորեն զբաղվել մոդելային գործունեությամբ և համագործակցում է IMG Models-ի հետ։