Ֆրանսիան Շվեդիային կմատակարարի հեռահար MdCN հրթիռներ
- 15 hours ago
- 1 min read
Փարիզն իրականացնում է հեռահար սպառազինության պատմական մատակարարում դեպի Հյուսիսային Եվրոպա։ 4,3 միլիարդ եվրո ընդհանուր արժողությամբ համաձայնագրի համաձայն՝ «Նավալ Գրուպ» (Naval Group) ընկերությունը…
Փարիզն իրականացնում է հեռահար սպառազինության պատմական մատակարարում դեպի Հյուսիսային Եվրոպա։ 4,3 միլիարդ եվրո ընդհանուր արժողությամբ համաձայնագրի համաձայն՝ «Նավալ Գրուպ» (Naval Group) ընկերությունը Շվեդիայի համար կկառուցի և վերջինիս կփոխանցի ֆրանսիական արտադրության չորս ժամանակակից ֆրեգատ, ինչպես նաև առաջին անգամ արտահանման կհանի իր MdCN թևավոր հրթիռները։
Ամերիկյան «Տոմահավկ» (Tomahawk) հրթիռի եվրոպական տարբերակը համարվող MdCN համակարգն ունի մինչև 1400 կմ հայտարարված գործողության շառավիղ։ Շուրջ մեկ տասնամյակ այս զինատեսակն էքսկլյուզիվորեն ներառված էր միայն Ֆրանսիայի Ռազմածովային նավատորմի զինանոցում։
Այս ծավալուն գործարքն էապես կընդլայնի Շվեդիայի նավատորմի ռազմական կարողությունները։ Մեծ հեռավորության վրա բարձր ճշգրտության հարվածներ ապահովող MdCN հրթիռներից զատ, Շվեդիայի զինված ուժերը կհամալրվեն «Աստեր 30» (Aster 30) հակաօդային պաշտպանության համակարգերով և արդիական սպառազինության այլ միջոցներով։
