Թրամփը սպառնում է բանտարկել Իրանում օդաչուի փրկության մասին լուրը լուսաբանած լրագրողին

ԱՄՆ նախագահ Դոնալդ Թրամփը երկուշաբթի օրը հայտարարել է, որ կպահանջի, որ Իրանում օդաչուի փրկության մասին առաջինը լուսաբանած լրագրողը բացահայտի այդ տեղեկատվության աղբյուրը։ Հրաժարվելու դեպքում Թրամփը սպառնացել է բանտարկել նրան, հայտնում է Reuters-ը։

Սպիտակ տանը կայացած մամուլի ասուլիսի ժամանակ Թրամփի այս հայտարարությունները դարձան վարչակազմի կողմից մամուլի նկատմամբ հարձակումների զգալի սրացման դրսևորում։ Վերջին շաբաթներին նախագահն իր օգնականների հետ առանձնազրույցներում դժգոհել է, որ Իրանի դեմ ամերիկա-իսրայելական պատերազմի լուսաբանումը չափազանց բացասական է։ Միևնույն ժամանակ, Թրամփն ու նրա դաշնակիցները հրապարակավ քննադատել են որոշ լրատվամիջոցների ռեպորտաժները։