Նիկոլ Քիդմանը և Քեյթ Ուրբանը բաժանվել են 19 տարվա ամուսնությունից հետո
- Ani
- Sep 30
- 1 min read
Օսկարակիր դերասանուհի Նիկոլ Քիդմանը և երաժիշտ Քիթ Ուրբանը որոշել են բաժանվել գրեթե երկու տասնամյակ տևած ամուսնությունից և երկու դուստրերի ծնունդից հետո, հաղորդում է Daily Mail-ը։
58-ամյա Քիդմանը և 57-ամյա Ուրբանը վերջերս ավելի ու ավելի շատ էին իրարից հեռու մնում՝ իրենց նկարահանումների և շրջագայությունների խիտ գրաֆիկի պատճառով։ Զույգին մոտ կանգնած աղբյուրի խոսքով՝ բաժանման լուրը իսկական ցնցում էր դերասանուհու համար։
«Քեյթը գրեթե չի տեսնում Նիկոլին. կամ նա նկարահանվում է, կամ շրջագայության մեջ է։ Նրանց միջև շատ սեր կար, և, հնարավոր է, որ ամեն ինչ չհասնի ամուսնալուծության։ Բայց հիմա նրանք ապրում են զուգահեռ աշխարհներում, որոնք հազիվ են հատվում», - նշել է ներքին աղբյուրը։
Այնուամենայնիվ, աղբյուրը հավելել է, որ Քիդմանի և Ուրբանի համար դեռ կա հաշտվելու հնարավորություն։ «Նրանք տասնամյակներ շարունակ միասին են։ Բայց ներկայիս ձևաչափով նրանց միությունը այլևս դժվար թե կարելի է ամուսնություն անվանել»։
Զույգն ունի երկու դուստր՝ 17-ամյա Սանդեի Ռոուզը և 14-ամյա Ֆեյթ Մարգարեթը։
