Հուսով եմ՝ կարդալու ժամանակ կունենաք. Կառավարությունում գրքեր նվիրեցին
- 7 hours ago
- 1 min read
Գրքի օրվա առիթով ԿԳՄՍ նախարար Ժաննա Անդրեասյանը նախարարության անունից Կառավարության նիստի մասնակիցներին գրքեր է նվիրեց։
Նախարարը նշեց, որ փոխանցված գրքերի մեջ մեծ բաժին ունեն Հովհաննես Թումանյանի գործերը, սակայն ներառվել են նաև ժամանակակից հայ գրողների ստեղծագործություններ և թարգմանական գրականության նմուշներ։
Նա հիշեցրեց, որ այսօր Հովհաննես Թումանյանի ծննդյան օրն է, որը արդեն ավելի քան 15 տարի նշվում է որպես գիրք նվիրելու օր։
«Հուսով եմ, որ կարդալու ժամանակ կունենաք և նաև, գուցե, միմյանց փոխանցեք ձեր կարդացած գրքերը, որովհետև սա իսկապես մեր աշխատանքի և զարգացման կարևոր բաղադրիչ է»,- ասաց նա։
Անդրեասյանը նաև նշեց, որ ընթերցանության խրախուսումը կառավարության կարևոր և առաջնահերթ քաղաքականություններից է՝ ընդգծելով, որ գրքի նկատմամբ հետաքրքրությունը հանրության շրջանում աճում է։
