Դրական եմ գնահատում Ադրբեջանի հետ որդեգրած աշխատելաոճը, եթե այսպես շարունակենք, երկու երկրներն այլևս խնդիր չեն ունենա․ Սիմոնյան

ԱԺ նախագահ Ալեն Սիմոնյանն այսօր լրագրողների հետ ճեպազրույցի ժամանակ բոլորին շնորհավորեց՝ ԱՄՆ փոխնախագահի պատմական այցի, ձեռք բերված համաձայնությունների և այն հնարավորությունների համար, որոնք, ըստ նրա, ՀՀ-ի համար բացվել են։

Անդրադառնալով գերիների վերադարձի խնդրին՝ Սիմոնյանը նշեց, որ գործ արվում է, որի մասին հրապարակային չեն խոսում. «Որևիցե բան մարտավարության մեջ չի փոխվել։ Մշտապես խոսվում է թե՛ գերիների մասին, թե՛ անհետ կորածների ճակատագրի մասին, թե՛ բոլոր խնդիրների մասին։ Շատ դրական եմ գնահատում այն աշխատելաոճը, որը մենք երկուստեք որդեգրել ենք Ադրբեջանի հետ և կարծում եմ՝ այս ճանապարհով, որ շարունակենք առաջ ընթանալ, երկու երկրները մոտ ապագայում այլևս ոչ մի խնդիր չեն ունենա»։