Բելինգեմի եւ Մբապեի գոլերը հաղթանակ բերեցին «Ռեալին»

Իսպանիայի առաջնության 17-րդ տուրում փոխչեմպիոն «Ռեալը» սեփական խաղադաշտում մրցեց «Սեւիլիայի» հետ։ Խաբի Ալոնսոյի գլխավորած թիմը հաղթեց 2:0 հաշվով։

38-րդ րոպեին բրազիլացի հարձակվող Ռոդրիգոյի իրացրած տուգանայինը գլխի հարվածով եզրափակեց անգլիացի կիսապաշտպան Ջուդ Բելինգեմը։

86-րդ րոպեին ֆրանսիացի հարձակվող Կիլիան Մբապեն արդյունավետ իրացրեց 11-մետրանոցը։

«Ռեալը» 42 միավորով երկրորդն է, «Սեւիլիան» 9-րդն է՝ 20 միավոր։

Իսպանիայի առաջնություն, 17-րդ տուր

«Ռեալ Մադրիդ» - «Սեւիլիա»՝ 2:0 (տեսանյութ)

Ջուդ Բելինգեմ, 38, Կիլիան Մբապե, 86, 11մ

Հեռացում՝ Մարկան («Սեւիլիա»), 68, երկրորդ դեղին քարտ