Փաշինյանի համար այսօր պատարագը կմատուցի Տեր Արարատ քահանան

Վարչապետ Նիկոլ Փաշինյանի եւ ՔՊ–ականների մասնակցությամբ այսօրվա պատարագը մատուցելու է Տեր Արարատ քահանա Պողոսյանը։

Նշենք, որ վաղ առավոտից արդեն ոստիկանությունն ու ԱԱԾ–ն աննախադեպ թվով ուժեր են կենտրոնացրել Սուրբ Սարգիս եկեղեցու տարածքում։

Հիշեցնենք, որ Տեր Արարատն ամիսներ առաջ մի ծավալուն գրառմամբ անդրադարձել էր ադրբեջանական ապատեղեկատվությանը եկեղեցու հասցեին։

«Հայ Առաքելական Եկեղեցու հասցեին հնչող ահաբեկչության և քաղաքական ծայրահեղության մեղադրանքները դիտավորյալ հորինված, ապատեղեկատվական քարոզչության մաս են։ Դրանց նպատակը Արցախում հայկական ներկայության և վերադարձի ապալեգիտիմացումն է և աշխարհի հնագույն քրիստոնեական Եկեղեցիներից մեկի՝ Հայ Առաքելական Եկեղեցու վարկաբեկումը։ Այդ մեղադրանքները՝ զուրկ իրական հիմքերից, ծառայում են միայն Ադրբեջանի արտաքին ագրեսիվ քաղաքականությունը ներսում արդարացնելու և իրենց քաղաքական օրակարգի շուրջ հանրային համախմբում ապահովելու նպատակին։»,– գրել էր նա։