ԱՄՆ Կոլորադո նահանգում հանտավիրուuի հետևանքով մարդ է կյանքից հեռացել
- 22 hours ago
- 1 min read
ԱՄՆ Կոլորադոյի հանրային առողջապահության և շրջակա միջավայրի դեպարտամենտը հաստատել է նահանգում հանտավիրուսի մահացու դեպք, հաղորդում է CBS News-ը:
Դուգլաս շրջանում հիվանդությամբ վարակված մեծահասակը մահացել է։
Կոլորադոյի հանրային առողջապահության և շրջակա միջավայրի դեպարտամենտի պաշտոնյաները հայտարարել են, որ այս դեպքը կապված չէ «MV Hondius» կրուիզային նավում վերջերս տեղի ունեցած բռնկման հետ։
Նրանք բնակիչներին խորհուրդ են տվել խուսափել կրծողների մեզի, կղանքի, թքի և բնադրման նյութերի հետ շփումից։
Դեպարտամենտն աշխատում է վարակի աղբյուրը պարզելու ուղղությամբ և կարծում է, որ այն տարածվել է կրծողների հետ տեղական շփման հետևանքով։ Նրանք հավաստիացրել են բնակիչներին, որ լայն հանրության համար ռիսկը մնում է ցածր։
Դեպարտամենտից նշել են, որ Սին Նոմբրե հանտավիրուսը կանոնավոր կերպով ի հայտ է գալիս Կոլորադոյում, հատկապես գարնանն ու ամռանը, և հաճախ տարածվում է եղնիկային մկների միջոցով։
Հիշեցնենք, որ մայիսի 11-ի երեկոյան MV Hondius լայները, որի վրա տեղի էր ունեցել հանտավիրուսի բռնկումը, Կանարյան կղզիների Տեներիֆե նավահանգստից մեկնել է Նիդերլանդներ։ Ընդհանուր առմամբ նավում հանտավիրուս է հայտնաբերվել 9 մարդու մոտ։ Երեք ուղևոր մահացել է, մեկ հիվանդ գտնվում է ծայրահեղ ծանր վիճակում։
