Օքսանա Սամոյլովան 12 տարվա ամուսնությունից հետո որոշել է ամուսնալուծվել Ջիգանից
- Ani
- Oct 10
- 1 min read
Մոդել և ձեռնարկատեր Օքսանա Սամոյլովան պաշտոնապես ամուսնալուծության դիմում է ներկայացրել՝ ռեփեր Ջիգանի հետ 12 տարվա ամուսնությունից հետո: Ըստ «Սպլետնիկ»-ի՝ դիմումը դատարանում հրապարակվել է հոկտեմբերի 6-ին։
Ամուսնական խնդիրների մասին լուրերը շրջանառվում էին մի քանի շաբաթ շարունակ: Սամոյլովան դադարել էր ամուսնու հետ լուսանկարներ հրապարակել, միայնակ էր մեկնել Փարիզի նորաձևության շաբաթ, որտեղ նա հայտնվել էր Balenciaga-ի ցուցադրության ժամանակ սկանդալի կենտրոնում, ինչպես նաև՝ սոցիալական ցանցերում ակնարկել դժվարին ժամանակաշրջանի մասին՝ իրեն անվանելով «աղջիկ, որը հոգնել է ուժեղ լինելուց»։
Օքսանան և Ջիգանը հանդիպել են 2010 թվականին և ամուսնացել 2012-ին: Զույգն ունի չորս երեխա, որոնցից կրտսերը հինգ տարեկան է: 2020 թվականի սկզբին ընտանիքն արդեն ճգնաժամ էր ապրել արտիստի աղմկոտ բաժանումից հետո, բայց զույգին հաջողվել էր պահպանել իրենց հարաբերությունները:
