Նիկոլայ Դրոզդովը հոսպիտալացվել է քաղցկեղից առաջացած բարդությունների պատճառով
Ռուս հաղորդավար եւ կենդանաբան Նիկոլայ Դրոզդովը հոսպիտալացվել է քաղցկեղից առաջացած բարդությունների պատճառով, հայտնում է Shot Telegram ալիքը՝ հղում անելով իր աղբյուրներին։
Ալիքի տվյալներով՝ նախօրեին կենդանաբանը վատացել է, սակայն հարազատները շտապ օգնություն չեն կանչել, հիվանդին ինքնուրույն են տարել հիվանդանոց։ Դրոզդովին բժիշկները հետազոտել են եւ նշանակել հակաուռուցքային թերապիա, նրան նաեւ տեղափոխել են ցերեկային հիվանդանոց։ Շաբաթվա ընթացքում կենդանաբանը հիվանդանոցում կանցնի անհրաժեշտ պրոցեդուրաներին, ապա կվերադառնա տուն։
Հեռուստահաղորդավարի կինը՝ Տատյանան, հավելել է, որ նա արդեն իրեն լավ է զգում եւ կատարում է բժիշկների բոլոր հրահանգները։ Ինքը՝ Դրոզդովը, վստահեցրել է, որ ազատ ժամանակն անցկացնում է ագարակում, որտեղ վայելում է մաքուր օդը։
Ինչպես հիշում է Gazeta-ն, դեկտեմբերի 23-ին հայտնի դարձավ, որ Նիկոլայ Դրոզդովը քիմիաթերապիայից հետո ռեմիսիա է սկսել։ Լրատվամիջոցների տեղեկություններով՝ քաղցկեղի դեմ պայքարող Դրոզդովի բուժման ցուցանիշները նորմալացել են, իսկ քաղցկեղը դադարել է զարգանալ։
