Արցախը ծախեցին, ի՞նչ եղավ, ո՞վ պատասխան տվեց. Տիգրան Աթանեսյան

«Իրենք գիտեն,թե ինչ են անում։ Նրանցից լավ ոչ ոք չի պատկերացնում խորությունն ու ապօրինությունն այդ արարքի։ Բայց դե փողի ու պաշտոնի համար , ամեն ինչ կարող են անել, զարմանալի չէ։ Արցախը ծախեցին, ի՞նչ եղավ, ո՞վ պատասխան տվեց»,-  Նարեկ Մալյանի գործով դատական այսօրվա նիստց հետո ասաց փաստաբան Տիգրան Աթանեսյանը՝ հավելելով․

«Իմ մոտեցումը  հետևյալն է․ «անառակին պետք  է միշտ ցույց տալ, որ ինքն անառակ է»։ Այսինքն՝ կեղտը միշտ պետք է  պահել  և թույլ չտալ, որպեսզի ասի,թե նա պարարտունյութ է։ Ոչ, ինքը՝ կեղտ է։Եթե կա խախտում, դա պետք է անընդհատ ցույց տալ։  Այնպես չէ, որ այդ աղջիկը պատմուճանով այնտեղ նստած դատավոր է, հա, ինչ-որ մի տեղ դրա մասին գրված է, պատմուճան ունի, բայց այս գործով ինքը դատավոր է։ Նարեկի  հետապնդողներն այլ վայրում են, այլ հեղինակներ են և Նարեկի խոսքից այնքան են սարսափում, որ չեն կարողանում քնել, հետևաբար փորձում են լռեցնել։ Դա իհարկե չի ստացվելու, բայց դե իրենք «քյալ» են և փորձելու են դա անել»։

Անդրադառնալով  փորձագետների հայտարարություններին, փաստաբանը դրանք  խայտառակություն որակեց։

«Առաջին փորձաքննության մեջ գրված չէր, որ ատելություն է սերմանում։ Երկու օրում ԱԱԾ նշանակում է, վազելով մի հատ եզրակացություն են տալիս։ Այդ աղջիկը մի հոգեբանական կենտրոն ունի , որը պետական հիմնարկներից փող է ստանում։ Դա չի էլ թաքցնում։ Քննիչներին այնպես է շնորհավորում, ասես՝ հարազատ եղբորն է շնորհավորում։ Պարզ է, որ նման մարդն ամեն ինչ կգրի։ Ինչ վերաբերում է լեզվաբանին, ապա նրա մեջ մնացել էր հայը, ասեց ՝ «թուրքը վիրավորական է հայի համար» , գոնե դա ասաց»։

Նշենք, որ այսօր  դատարանը որոշեց Նարեկ Մալյանի կալանքը երկարաձգվել ևս երկու ամսով։