Գործադուլի պատճառով փակված Էյֆելյան աշտարակը աշխատանքը կվերսկսի կիրակի

Փարիզի Էյֆելյան աշտարակը, որը հինգ օրով փակվել էր գործադուլի պատճառով, նորից կբացվի կիրակի, երբ աշտարակի ղեկավարությունը հայտարարի արհմիությունների հետ գործարքի կնքման մասին, տեղեկացրել է AFP-ն։

Երկուշաբթի օրվանից  աշխարհի ամենահայտնի զբոսաշրջային օբյեկտներից մեկի աշխատանքի դադարեցումը երկրորդն էր վերջին երկու ամսում՝ ի նշան բողոքի անբավարար ներդրումների դեմ։

Աշտարակի SETE օպերատորը հայտնել է, որ շաբաթ օրը համաձայնություն է ձեռք բերել արմիությունների հետ, «որի համաձայն՝ կողմերը մշտապես վերահսկելու են ընկերության բիզնես-մոդելը, ներդրումներն աշխատանքում եւ եկամուտներն այն մարմնի միջոցով, որը կգումարվի յուրաքանչյուր վեց ամիսը մեկ»։

SETE ընկերությունը ներողություն է խնդրել այցելուներից, որոնք տուժել են գործադուլի հետեւանքով, եւ որը հանգեցրել է մոտ 100 000 այցելության կորստի։

Էյֆելյան աշտարակը չի ստացել մոտ 120 մլն եվրո Covid-19 համավարակի ժամանակ 2020-2021թթ.։

Այդ ժամանակվանից SETE-ն ստացել է 60 մլն եվրոյի վերակապիտալացում, որը, արհմիությունների կածիքով, բավարար չէ՝ նկատի ունենալով հիմնանորոգման անհրաժեշտությունը, ներառյալ թարմ ներկը։

Այցելուների թիվը խիստ կրճատվել էր Covid համավարակի ժամանակ սահմանափակումների պատճառով, բայց վերականգնվել է 2022թ.՝ հասնելով 5,9 մլն այցելության եւ 6,3 մլն-ի՝ անցած տարի։

Ճարտարապետ Գուստավ Էյֆելի գլուխգործոցը վերաներկվել է 19 անգամ այն ժամանակվանից ի վեր, երբ կառուցվել է 1889թ. Համաշխարհային ցուցահանդեսի համար։