Հայտնի ռուս դերասանի մեքենայում կնոջ դի է հայտնաբերվել. մանրամասներ
- Ani
- Jan 20
- 1 min read
Ռուս դերասան Գոշա Կուցենկոյի մեքենայում կնոջ դի է հայտնաբերվել: SHOT տելեգրամյան ալիքը:
Մեքենայում հայտնաբերվել է 30-35 տարեկան կնոջ դի՝ դանակի բազմաթիվ վնասվածքներով։ Դերասանի մեքենան կայանված է եղել Կուտուզովսկի պողոտայի տներից մեկի բակում։
Նախորդ առավոտյան ՌԴ վաստակավոր արտիստին պատկանող հին «Զապորոժեցում» անցորդները նկատել են կնոջ դի։ Մեքենան բաց է եղել։ Ժամանած փորձագետները պարզել են, որ զոհին սպանել են մի քանի ժամ առաջ՝ մարմնին դանակի բազմաթիվ հարվածներ են եղել։ Մեքենայում՝ դիակի կողքին, օգտագործված պահպանակ է հայտնաբերվել։ Մահացածի ինքնությունը պարզվում է։
Սպանության մեջ կասկածվող անձը ձերբակալվել է։ Նա Կազանից 30-ամյա գործազուրկ Ալբերտ Աբդուլլինն է։ Նա բազմաթիվ դատվածություններ ունի՝ սկսած սպանությունից և բռնաբարությունից մինչև գողություն և կողոպուտ: Հարուցվել է քրեական գործ «Սպանություն» հոդվածով։
