Նիկոլ Քիդմանը և Սանդրա Բուլոքը զարմացրել են երկրպագուներին «Գործնական մոգություն 2»-ի պրեմիերայից առաջ
- 2 days ago
- 1 min read
«Գործնական մոգություն» պաշտամունքային ֆիլմի շարունակության երկար սպասված թողարկումից ընդամենը մի քանի շաբաթ առաջ Նիկոլ Քիդմանը և Սանդրա Բուլոքը վերամիավորվել են։
59-ամյա Քիդմանը և 62-ամյա Բուլոքը երկրպագուներին անակնկալ նվեր են մատուցել՝ մասնակցելով 1998 թվականի օրիգինալ ֆիլմի հատուկ ցուցադրությանը, որը կազմակերպվել էր Cinespia-ի կողմից Լոս Անջելեսի հայտնի Hollywood Forever գերեզմանատանը։
Instagram-ում տեղադրված կադրերից երևում է, թե ինչպես է հանդիսատեսը բառացիորեն պայթում ուրախությունից, երբ դերասանուհիները բեմ են բարձրանում։
Բուլոքը հումորով նշել է. «Գործնական մոգությունը կատարյալ ֆիլմ է գերեզմանատանը ցուցադրելու համար»։ Նիկոլ Քիդմանն իր հերթին շնորհակալություն է հայտնել իր երկրպագուներին շարունակական աջակցության համար, որը հնարավոր է դարձրել պատմության շարունակությունը. «Շնորհակալություն, որ օգնեցիք մեզ նկարահանել երկրորդ մասը, որը շատ շուտով հասանելի կլինի»։
«Գործնական մոգություն 2»-ի պրեմիերան կինոթատրոններում կկայանա սեպտեմբերի 11-ին։
Հիշեցնենք, որ 90-ականների վերջի ֆիլմը հիմնված է Ալիս Հոֆմանի 1995 թվականի համանուն վեպի վրա: Սյուժեն կենտրոնանում է քույրերի՝ Ջիլիանի (Քիդման) և Սալիի (Բուլոք) պատմությունների վրա, որոնք սերում են կախարդների երկար շարքից: Աղջիկներին մեծացրել են իրենց էքսցենտրիկ մորաքույրերը (մարմնավորում են Սթոքարդ Չենինգը և Դիան Ուիստը), որոնք հպարտությամբ ընդունել են նրանց կախարդական ժառանգությունը։
