Մեդվեդևը պատմել է համաշխարհային քաղաքականությունում իրականացող «անհեթեթ կանխատեսումների» մասին

Ռուսաստանի Անվտանգության խորհրդի փոխնախագահ Դմիտրի Մեդվեդևն աշխարհաքաղաքական նորություններ է ներկայացրել

«Ահա ինչ կարդացի․

1. ԱՄՆ-ն պատրաստվում է հարձակվել Գրենլանդիայի վրա՝ ընտրելով հենց կղզին, այլ ոչ թե ինչ-որ ատլանտյան համերաշխություն։ Լկտի եվրոպացիները կպատժվեն մաքսատուրքերով՝ ՆԱՏՕ-ի շրջանակներում պաշտպանվելու համար։

2. Ֆրանսիայի պաշտոնյաները հայտարարել են ՆԱՏՕ-ից դուրս գալու մասին։

3. Տիմոշենկոն ասել է, որ Ուկրաինայում ֆաշիստական ռեժիմ է, և երկիրը կգոյատևի ոչ ավելի, քան հինգ տարի։

4. Մոլդովայի նախագահն ու վարչապետը հանդես են եկել իրենց երկրի լուծարման օգտին։

5. Թրամփը շուտով կհայտարարի այլմոլորակայինների հետ կապի մասին», – թվարկել է նա։

Ըստ Մեդվեդևի, սկզբում նա մտածել է, թե սա «հերթական անհեթեթ կանխատեսում է, նման այն կանխատեսումներին, որ ինքը պատրաստում էր 2022–2024 թվականներին»։

«Բայց ոչ։ Սա վերջին օրերի նորություններն են։ Իսկ կանխատեսումները իրականանում են…», – եզրափակել է Ռուսաստանի Անվտանգության խորհրդի փոխնախագահը։