Եթե Փաշինյանը կարծում է, որ Հայաստանը կհարստանա, թող ապահովի դա․ Լավրով

Եթե Հայաստանի վարչապետ Նիկոլ Փաշինյանը հայտարարում է «հարստանալու» վերաբերյալ Հայաստանի ծրագրերի մասին, ապա թող ապահովի դա. «Վեստի» տեղեկատվական համակարգին տված հարցազրույցում հայտարարել է ՌԴ արտգործնախարար Սերգեյ Լավրովը։

Նախօրեին Հայաստանի վարչապետը հայտարարել էր, որ Ռուսաստանի հետ կապերի վատթարացման դեպքում երկրին չեն վախեցնում հումքի բարձր գները, քանի որ հանրապետությունը ծրագրում է հարստանալ։ «Անտրամաբանական է Հայաստանին սպառնալ, օրինակ, բարձր գներով, որովհետև բարձր գների սպառնալիքին կա մի պատասխան՝ մենք շատ ավելի շատ փող կունենանք, այնքան, որ դա մեզ թանկ չի թվա։ Այսօր Հայաստանը դառնում է «Խաղաղության խաչմերուկ». դա նշանակում է, որ Հայաստանը դառնալու է ոչ թե հազարների ու միլիոնների, այլ միլիարդների ու տրիլիոնների երկիր»,- ասել էր նա Գառնի քաղաքում ընթացող նախընտրական քարոզարշավի ժամանակ։

«Ես չեմ կարող մեկնաբանել Հայաստանի ղեկավարի հայտարարությունները։ Եթե նա կարծում է, որ երկիրը կհարստանա, թող ապահովի դա»,- հայտարարել է Լավրովը։

ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ հայտնել էր, որ Ռուսաստանը զգուշացրել է Հայաստանին գազի, նավթամթերքի և ալմաստի մատակարարման համաձայնագրերի հնարավոր չեղարկման մասին, որը տեղի կունենա այն պարագայում, եթե Երևանն անդամակցի Եվրոպական միությանը։