Ռուսաստանը ՆԱՏՕ-ի զորավարժություններից հետո միջոցներ է մշակում. ԱԳՆ
- Jul 1
- 1 min read
Ռուսական կողմը ՆԱՏՕ-ի զորավարժություններից հետևություններ է անում՝ իր անվտանգության ապահովման միջոցառումներ մշակելու համար, «ՌԻԱ Նովոստի»-ին հայտնել է ՌԴ ԱԳՆ Եվրոպական հիմնախնդիրների դեպարտամենտի տնօրեն Վլադիսլավ Մասլեննիկովը։
Երեքշաբթի օրը մեկնարկել են «Բրիզ» ռազմածովային զորավարժությունները՝ Բուլղարիայի ռազմածովային ուժերի և ՆԱՏՕ-ի մասնակցությամբ։
Մեկնաբանելով զորավարժությունների մեկնարկը՝ Մասլեննիկովը նշել է, որ ռուսական կողմն ուշադիր հետևում է նման միջոցառումներին, վերլուծում դրանք և հետևություններ անում, այդ թվում՝ ՌԴ անվտանգության ապահովման նպատակով լրացուցիչ միջոցների մշակման առումով։
